jueves, 21 de abril de 2016

Venres 22: RAMS

RAMS

Data proxección: 22/04/2016
Horario e idioma: 20:00 (español) e 22:30 (V.O.S.)
Duración: 93'
Lugar: Auditorio municipal de O Carballiño
Ano: 2015
País: Islandia


SINOPSE 
Gummi e Kiddi son irmáns e veciños nun solitario val de Islandia. Dedícanse ao coidado das súas ovellas, premiadas en numerosas ocasións coma as mellores de todo o país. Porén, non se falan entre eles dende fai décadas.

Unha enfermidade mortal repentina infecta a unha das ovellas de Kiddi, polo que todo o val se verá ameazado, obrigando ás autoridades a sacrificar todo o gando. Iso supón unha sentenza de morte para moitos granxeiros.

Os dous irmáns non se renden, pero deberán deixar de lado as súas rifas para salvar o seu ben máis prezado: as súas ovellas.

Ficha Técnica
Dirección: Grimur Hákonarson Guión: Grimur Hákonarson Produción: Grimar Jónson Dirección de Fotografía: Sturia Brandth Grovien Deseño de Produción: Bjarni Massi Montaxe: Kristján Londfjord Música: Datli Örvarsson
Ficha Artística
Sigurdur Sigurjónsson - Theodor Júliusson - Charlotte Boving - Jon Benonysson - Gunnar Jónsson - Sveinn Ólafur

Galardóns
Festival de Cannes 2015: Mellor Película, sección Un Certain Regard.
Festival de Valladolid 2015: Espiga de Ouro á Mellor Película.

O director, Grimur Hákonarson (1977)

Director e guionista islandés. Tras varias curtametraxes,  dirixe en 2010 a súa primeira longametraxe:
Summerland, pola que foi nominado como mellor director aos premios do cine e televisión islandesa.
En 2012 dirixe un documental, Hreint Hjarta, sobre a vida dun cura en Selfoss, unha remota localidade no sur de Islandia.
Con Rams (2015) acada o recoñecemento internacional ao triunfar en varios festivais, entre eles,
Cannes e Valladolid.
Críticas
“Unha das películas máis arriscadas, emocionantes e existencialistas estreadas en moito tempo, na que a beleza e a reflexión cohabitan con harmonía." (Alberto Luchini, El Mundo).

“Unha historia extremadamente sinxela e visualmente fermosa e rural que se converte, sen perder o aroma,nunha metáfora de algo maior.” (E. Rodríguez Marchante, ABC)

“¿Cómo se pode explicar que unha historia na que os carneiros e ovellas teñen máis diálogos que os propios protagonistas resulte tan entretida e empática que, a pesares do frío, resulte tan cálida?”. (Manuel Piñón, Cinemanía)

domingo, 10 de abril de 2016

Venres 15 de abril - Dheepan

DHEEPAN

Data proxección: 15/04/2016
Horario e idioma: 20:00 (español) e 22:30 (V.O.S.)
Duración: 114'
Lugar: Auditorio municipal de O Carballiño
Ano: 2015
 País: Francia

SINOPSE
Un home fuxe da guerra civil en Sri Lanka e, para conseguir que Francia lle conceda o dereito de asilo, fai pasar pola súa familia a unha muller e a unha rapaza que escapan tamén do país.

Xa en chan francés, atopa traballo coma conserxe nun edificio situado nun barrio problemático. A pesar de non falar francés, vanse adaptando progresivamente ao seu novo país.



Ficha Técnica
Dirección: Jacques Audiard Guión: Jacques Audiard, Thomas Bidegain e Noé Debré Produción: Pascal Caucheteux Dirección de Fotografía: Éponine Momenceau Deseño de Produción: Michel Barthélémy Montaxe: Juliette Welfing Música: Nicolas Jaar

Ficha Artística
Jesuthasan Anthonythasan - Kalieaswari Srinivasan - Claudine Vinasithamby - Vincent Rottiers - Faouzi Brensaidi - Marc Zinga  Franck Falise

Galardóns
·    Festival de Cannes 2015: Palma de Oro á Mellor Película.

O director, Jacques Audiard (1952, París, Francia)

Dende comezos dos anos 1980 empeza a escribir guións coma El profesional (1981), Sac de noeuds (1985) ou Saxo (1987). E no ano 1994 debuta tras as cámaras con Mira a los hombres caer, coa que gaña o premio Cesar da cinematografía francesa á mellor opera prima.
Continua con longametraxes coma Un héroe muy discreto (1996) e Lee mis labios (2001), das que tamén é autor do guión. Pero os seus grandes éxitos estaría por vir. En 2005 con De latir mi corazón se ha parado, coa que obtén 8 premios Cesar, incluídos director, guión e película; e en 2009, Un profeta, gañando tamén director, guión e película, ademais do Gran Premio do Xurado en Cannes.
En 2012 dirixe De óxido y hueso, pola que tamén obtén varios premios en festivais internacionais, ademais de 4 premios Cesar máis, incluíndo Mellor Guión.

Críticas
“Relato desgarrador da inmigración. (…) Posúe lucidez, verosimilitude e comprensión.” 
(Carlos Boyero, El País)
“Un exercicio enfebrecido onde as personaxes móvense ao límite da súa propia  anguria.” 
(Luís Martínez, El Mundo)
 “Audiard narra con gran sentido e precisión a anguria, a perplexidade, a difícil adaptación e a cautela e desconfianza desas personaxes nese mundo tan estraño.” 
(E. Rodríguez Marchante, ABC) 

E a próxima sesión: Rams  (Grimur Hákonarson, 2015)

jueves, 7 de abril de 2016

Venres día 8 de abril: TRUMAN

TRUMAN

Data proxección: 08/04/2016
Horario: 20:00 e 22:30
Duración: 108'
Lugar: Auditorio municipal de O Carballiño
Ano: 2015 
País: España - Arxentina
Idioma: español

SINOPSE


Julián recibe a visita inesperada  do seu amigo Tomás que vive no Canadá. Os dous amigos, xunto a Truman, o seu can fiel, compartirán ao longo de catro intensos días momentos emotivos e sorprendentes, provocados pola difícil situación que esta a atravesar Julián.


FICHA TÉCNICA
Dirección: Cesc Gay; Guión: Cesc Gay e Tomás Aragay; Produción: Marta Esteban e Diego Dubcovsky; Dirección de Fotografía: Andreu Rebés; Deseño de Produción: Irene Montcada; Montaxe: Pablo Barbieri; Música: Nico Cota e Toti Soler

FICHA ARTÍSTICA
Ricardo Darín               Javier Cámara                Dolores Fonzi                
Álex Brendemühl Javier Gutiérrez                Eduard Fernández
Elvira Mínguez                Silvia Abascal

Galardóns:
·   Premios Goya 2015: 5 premios, incluíndo Mellor Película, Director e Actor (Ricardo Darín)
·   Festival de San Sebastián 2015: Concha de Plata Mejor Actor, exaequo Ricardo Darín e Javier Cámara

O DIRECTOR
Cesc Gay (1967, Barcelona, España)
Estudou cine na EMAV (Escola municipal de Audiovisuais de Barcelona). Debutou coma director en 1998 con Hotel Room, escribindo o guión e co-dirixindo xunto co arxentino Daniel Gimelberg. No 2000 dirixiu xa en solitario Krampack, da que tamén escribiu o guión, acadando varios premios en festivais internacionais, ademais do Goya ao mellor director novel.
No ano 2003 foi o creador e responsable da coordinación da serie de TV3 Jet lag, realizado pola compañía T de Teatre. Ao ano seguinte estrea En la ciudad, coa que xa opta ao Goya ao mellor director por primeira vez.
Seguen outras películas coma Ficció (2006) e V.O.S. (2009), ata outro gran éxito de crítica e público como Una pistola en cada mano (2012).

Con Truman, finalmente acadou os premios Goya ao mellor director e guión.

CRÍTICAS

“Unha intensa, tráxica, divertida por momentos e sempre brillante exhibición duns intérpretes ao límite de case todo.” (Luís Martínez, El Mundo)

“Aínda que o que narra é tráxico, o director non renuncia a provocarnos o sorriso (…) A súa forma de contar a historia é precisa, suxestiva, elegante, sutil e complexa.” (Carlos Boyero, El País)


“Unha película que chora por dentro, pero reconcilia por fora (…) Dous actores en estado de graza.” (Beatriz Martínez, El Periódico


PRÓXIMA SESIÓN
Descanse en Paz (Román Gutierrez da Silva)

Buscar neste blog

A miña lista de blogs

  • Programación abril 2024 - Sesións de ciclo dos mércores Sesións especiais Sesións de filmoteca IX Ciclo Colexio de médicos Sobrevivimos ao inverno e a febreiro. Cando a escuridade ...
    Hace 2 días
  • Larga ausencia... - *Un servidor es plenamente consciente de la ingente cantidad de tiempo que hace que no se digna a actualizar este humilde blog... Ahora bien, siempre digo ...
    Hace 9 años
  • - Mois boas!! Rematamaos a tempada cun programa dobre..por iso ides ver ao final moitos mais cortes do habitual, jeje: son dous progrmas especias, adicados a...
    Hace 10 años